هضبة شعيت

مارجع

العيد

أمنياتي رد على جرح المفارق

أمنياتي

كلمات / ناصر المقبالي
أداء / حمد الكعبي (أبو عبدالله)

http://a.top4top.net/m_2202ta71.mp3

حادي الليل

حادي الليل

كلمات/ ناصر المقبالي
أداء / حمد الكعبي (بو عبدالله)

http://b.top4top.net/m_232u0sr1.mp3

ولدي عبدالله

خل هالضحكه تدوم...

ﻻ يهمك أي أحد..

وأجعل ف جوك غيوم..

تسقي أهلك والبلد..

ع الجرح

‏يِآ سِـلَوٌتٌـيِ
مًآ لَيِ عٌلَى آلَفُـرقُآ جّـلَدٍ ،،
يِآ غُربًتٌـيِ
آنِتٌـيِ آلَحًبًآيِبً وٌآلَبًلَد ٍ ،،

.

#البدر
#بدر_بن_عبدالمحسن

يا صدى وجداني

تعالي معي وتسمعيني شويه..
يا أوكسجيني ويا صدى وجداني..

البارحه طاح المطر يابنيه..
وإنتي نسيتي حالتي وشيطاني..

حق المطر رغباتي النفسيه..
تتﻻطم بصدري وتفيض عياني..

أبكي على ذيك الرسوم الحيه..
ومفارق الغالين والخﻻني..

وأبكي عليك وقصتي المخفيه..
اللي بها ضاع العمر يا جاني..

وأدور أعذار وأصفي النيه..
يا ظالمة لغيابك العدواني..

خلاص خلي الحب.. إنتي حيه؟!
سأل عليك ما أبا شي ثاني..


ناصر المقبالي

صباح آخر

صباحكم كالشمس

للدفء

للنور..

وأنا صباحي

ليل

يا ليل

يا ليل..

مروا هنا

للشوق

والقلب مكسور..


شف من

يغنيلك فراقك مواويل

ولدي عبدالله

الزمن

ليت الزمن يعود بنا قليﻻ

لكن الزمن ما يعود

المهم أنا مازلت أنبض

تسجيل حضور

سامحوني

السلام عليكم

على جميع من يمر من مدونتي أن يسامحني

فالأعمار بيدين الله

ولا نعلم متى يأخذ الله أمانته

فلا تحرمونا من الدعاء

اللهم إغفر لي وإرحمني وثبتني عند السؤال وإرزقني لقاك

أخوكم / ناصر المقبالي

النهايه المأساويه للعديمه الرومنسيه

راحت وأنا دموعي تقول العديمة..
يا ليتني في يومها غير موجود..

كانت تناديني الشيمه الشيمه..
لكنني عاجز وحاير ومشدود..

كانت تشق الريح من أجل غيمه..
وكانت معي الوافي ولا تخون لعهود..

ما كانت تهاب الصعاب العظيمه..
ولا تخذلك يوم التحدي والحشود..

تعطيك ناموس الحياه بعزيمه..
وتوصلك سالم وغانم ومحمود..

وإن هب لاهوب الحراره بسهيمه..
تفزع معك لو كان فالشامخ الطود..

واليوم صارت فزعتي لك عقيمه..
خيبت ظنك وأدري بكل مردود..

وادي وألحق فيك هذي الهزيمه..
كنتي تشقي غيله بدون مجهود..

لا والله إنها تضيحه يالعديمه..

ضحيتبك وأنا عن الذنب منشود..

العديمه

فيلين

يالله عسى فيلين قادم بقوه..
عشان بعض اللي نسوني يجوني..


بحكيلهم وش وصار بالحب عنوه..
وإنه على طاري المطر يذكروني..


يالله عسى يومين يظهر نتوه..
ويبشروني عنه ويدوروني..


عاشق وساكن بالوفاء في علوه..
محبوب وأحبابي لطيبي رموني..


تتذكروني؟! قولوا نذكرك هفوة..
أشوفها قمة غلا صدقوني..


عشت السنين فراق قسوه بقسوه..
من بعد حب سنين يتجاهلوني..


لني فقير ورآس ماله هدوه..
وعلمتهم طعم العشق كفروني..


وخبرتهم إن الشعر هم سموه..
لكن مثل مجنون ليلى ظلموني..


إسرع ي فيلين المشاعر تأوه..
صدقيني إن ما جيتهم ما يجوني..

هيبة المشتاق

ثمان سنين يا سود الحظوظ وهيبة المشتاق..
أموتبها على رجوى وصالك ما وصلتيني..


ثمان سنين أكتبها من الحسره على الأوراق..
عبث فيها الجفاف وذاري الغربي بساتيني..


وجيت بدون ما أشعر أسجل لك ألم وفراق..
طفح كل شي يوهمني بعد هذا الجفا تجيني..


وحشتيني.. وحشتيني.. وحدها وتمطر الأحداق..
إذا كان العشق صادق وما يعنيك يعنيني..


ولكن وين ألآقي ماتوهمبه شعوري داخل الأعماق؟!
أثاري كانت أحلامي جليد وذاب ف يديني..

يا سلام

مري علينا

حتى الهنود ف صحفتي ما يخوزون..
اللا إنتى يا كل الغلا يا الحــــــــبيبه..

مــــــــــري علينا وجعليهم يموتون..
حد م القهــــــــــر وحد فـــاقد حبيبه..

لهم..

أنا هنا...

حيث لا يفتقدني أحد

إنما أفتقد الكون بكله..

أنا هنا ..

معك ...معكم ... حيث 

لا يشعر بي أحد..

دمتم بالحب 

وعشتم بالحب..

ونلقاكم بالحب..

هنا حيث لا يهمكم أحد..

مجنونك..

إزهاق روحي تراه محرم بديني

ياحب لا تسرق أيامي وأحلامي..
خذني على قد عقلي لا تأذيني..


وش فائده كل أشواقي وآلامي..
إن كان ودك تفارق يا نظر عيني؟!


إن كان عذر الوصل حرام واثامي..
إزهاق روحي تراه محرم بديني..


واصل محبك ولو منعوعك ظلامي..
تكسب ثواب وتخفف قسوة سنيني..


مادام قلبي عشانك حرم منامي..
خلاه قلبك يرد الدين ويجيني..


ناصر المقبالي

كانك تباني تعال

من يسأل بجد عني يجي ويلاقني..
من عادتي ما أكلف حد يذكرني..

كانك تباني تعال ولا تخلاني..
حس بغلاتي وتعلمها وبادلني..

وكانك تبا تغيب يا ويلي من أحزاني..
تعبت نفسي عليك وخاب بك ظني..

جمر الأشواق

هاتي يدينك نلعب بجمر الأشواق..
أشوف طولنا وبردنا ونسينا..


أكبر من المستور في حرق الأوراق..
إنه غـــــلاكم مصدر الدفء فينا..


نتعب نباكم يا مديمين لفراق..
عشاق لكن للإسف وش بنينا.,


نرحل نقيس الحزن والدمع سباق..
يااارب لو نلقــــــــــاك والا تجينا..


هذا التمني همه يجوب الأعماق..
ويكشف مشاعر عنها ما حكينا..


كنا على نفس السجايا والاذواق..
نبحث عن أقرب فرصة تحتوينا..


نخلق من اللاشي حاله لنشتاق..
ونبني عمر ثاني عليه إرتضينا..


واليوم أشيل أشواق وأنزل أشواق..
هذا المصير اللي إليه إرتمينا..

 

ناصر المقبالي

الوالد إلى ربه

لم تأتي عدا بالحزن يا شهر فيراير

فأول ما أعلنت الدخول نزعت مني فرحة العمر وأسطورة الكفاح
أخذته إلى ربه بدون أن يودع أحدا منا
ماذا فعلت؟
لماذا هو الآن؟
هاهي الساعه تقترب من الثالثه صباحا كنت أنتظره يناديني
أنظر إلى وجه يزداد نورا
لم تخطر ببالي إنها لحظات الوادع الأخيره
كنت أقوي من أي وقت مضى
لكن إكتشفت إني آضعف مخلوق عى الإطلاق
فتح عينيه ونظر إلى لم أكن أريد إزعاجه لكنه أغمضها ونام
إنخفض الضغط إلى 60
واصل الإنخغاض وتوقف بعدها الأمل
اللهم أرحمه وارحمنا وأرحم جميع المسلمين

للبدر قالها فما أجملها

البدر

عندما يحدثني أصدقائي .. عن قصص العشق .. أشعر بأني سأذج ..

ليس هناك قمر .. أو شباك.. أو شجرة لوز..

ولا حتى شعر .. فيما يروونه لي من قصص!

وأنا لا أتحدث كثيرا .. عما في قلبي ..

ولا أجيد الكذب..

ولا أزال أنظر إلى السماء بالعين المجردة..

وأعتقد أن الزهور كانت موجودة قبل الحدائق..

وأن الوصال.. يكتمل أحيانا بالنظر..

وأن لحروف الحب رائحة النعناع..

وطعم الرطب الناضج

أشعر أني ساذج .. لأنني لا أراك بما يكفي ..

وأحيانا.. لا أراك بما لا يكفي..

ــــــــــــــــــــــــ

وقال أيضا

كلمات الحب:
النبات .. حب

ينشأ بين البذرة والريح..

والريح والرمل..

والرمل والمطر..

شبيه بحبنا..نحن البشر..

الريح لاتختار أي بذرة تحمل..

والبذرة لا تفكر في أي رمل تسكن..

والمطر لا يهتم إن تساقط على وادي .. أو رابية..

ونحن نهتم .. ونفكر... ونختار..

لماذا.. برب العباد..
لا نحب مثل النبات..؟

قالها العجوز.. قالها ثم مات 

قمة الحزن

http://www.youtube.com/watch?v=KLbK_MLm5YM

هل للحزن مدى؟؟

نهاية عهد القبيله

خذني معــك ياللي مســـافر ودوار..
غربة وطن وأصحاب.. عز ومهابه..

‏ ‏خذني معك أتعـــلم الـــدنيا أسفار..
وأعيشها غــربه ولا وسط غــابه..
‏ ‏
مليت من كلمة أهل ساس وستار..
والشيمه والفزعات وأصحاب لابه..

مليت أســـــمع هالقبـائل لها ثاار..
وأخــــــوان شمه والكلام المجابه..

ما دامــــنا نذبح كما ذبح الأبقار..
ولا يثــــور في دم القبيلي طلابه..
‏ ‏
يا هيه بن مقبال يا راس يا نــار..
كم دم ســـال وما أستلمنا حسابه..

كنا فخـر وأمثال وأخبار وأشعار..
واليـــــــــوم ضيعنا بيدنا المهابه..

كنا جبال الحجر في وجه الإعصار..
ونجرف إذا دنت رعود الحــــرابه..
‏ ‏
واليوم شوف العار يركض لكل دار..
ما جابهه عن وصلـــــــنا أي جابه..

صرنا مع التجــــار وريـــال منهار..
والخوف بانت في نفوســـــنا نيابه..

والمصحـــله تلعب بنا يمين ويسار..
وصار الأخو يمنع لخو من شـرابه..

وتغيرت الأحــــكام والعرف والدار..
وصارت عبادتنــــــا لفلس وخرابه..

لا ديـــــن يربطنا ولا حــــق للجار..
حـــــتى صلات الدم مــاهي اتشابه..

قم شوف يا جدي حفيدك والأخـبار..
والأهل والاصـــحاب وأهل النسابه..

اللي لهم ساحات حــــــربن وآثار..
تحكـــي شواهدها حصون وكتابه..

قم شوفني يآئس وحاير ومحتار..
وتفـــــــرقوا عني الربع والقرابه..

قم شوفني أبكي علـــى دم الأخيار..
ومالخوف ما أقدر أعسف الذبابه..

قم شوف ما للأهل من ورث وآثار..
باعوه أحفـــادك وضحوا بترابه..

خذني معـــك ياللي مسافر ودوار..
غربه وطن لا غربتي في القرابه..

يا شوق

يا شوق يكفــــــــي تراك القلب ضيّقته..
ويألمني كثــير والله يعــــــــلم الخافي..


تطلع وتنزل بأعصـــــــــابه وشنّجته..
وتأثر النبض وين الســـــاعف الوافي..


صمتي حكايه وفــا يا دمعــتي الفلته..
لا تطيحي م العين كافي م الدمع كافي..

كل غايب يشيل عذره وتوضح أجوبته..
خلــــــه يعود بسلامه وعذره الشافي..

كــــــــــــل الحبايب تعود بحبها بغته..
متأكد ولو تغــــــــــيب سنين وتجافي..


مثل السحب رجعتك وســـمية الشرته..
تمطر وتحيي مشـــاعر صادقه بقافي..


عـــــودي كفاك الغياب وعذرك إقبلته..
ما نشره إلا إذا يغـــــــــــدرون لولافي..

مساحه فاضيه

هنا أحب أن أترك مساحه من الفراغ

ليوم مميز ولحدث مميز

بالأمس كان التاريخ 11/11/2011

وكنت أبحث في الفراغ عن التميز

والحمدالله هذا أنا ولا أحمل جديد

غير أن ذكرى الزواج الأول يصادف تاريخ هذا اليوم

وإن شاء الله في المرات الجايه بتزوج بتواريخ مميزه

لا تنسوا تزوجوا بتواريخ مميزه

رسائل

أنتظر

طافت أسابيع أنتظر

وبكرى

وأنا كلي صبر

عيد النحر

والناس بالكعبه تطوف

لبيك يارب البشر

وقلبي معاهم بالذكر

لكنك أنتي

تسكنين العقل

وأعصاب البصر

والقلب عندك تأسرين

وش باقي أقضيبه العمر؟؟!!

أرض السعادة والحنان

لك وطن عندي ولي عندك وطن..

ولا يهاجر موطنه غير الجبان..

جيت لك والحب أزمة هالزمن..

لو تحصل قلب ما منه الأمان..

لكن لقيتك ووجهت السفن..

صوب مرساكم من الحاجه بجنان..

قلت يمكن أظفر بأحلى المدن..

كل مبانيها السعاده والحنان..

وين كنت؟؟

وين كنت؟؟

كنت أكتب عشق قارص..

وأحترق والكون راقص..

لكن أحلى شي كنت..

مع دموعي وحلم ناقص..

غبت كان الشوق نار..

والمطر طفى اللي صار..

وأنته وينك؟؟ وين كنت؟؟

ما خطرلك إني بأشتاقك كثير؟؟!

ماسمعت بعبرتي تقص الزفير؟؟!

لي متى هذا الغياب؟؟

وعاشقك وضعه خطير؟؟

جيت خفت تقول غبت

جيت لكن وين كنت؟؟

يوم أبحث عن سلامك..

ويوم أحلم في كلامك..

ومرت الساعه وذكرت

إنني عايش عشانك؟؟

وما تغيرت فـ ـمكانك..

لا تروح

هالحزن يحتاج أبوح

لك ولو كلي جروح

وأنت أروع ما وجدت؟؟

وين كنت؟؟

يوم ناديتك تعال ولا سمعت..

يوم عزمت الفراق ولا رجعت..

وين كنت؟؟  ...  وين كنت؟؟

وسام ووادي الحلتي

حرق المشاعر والورق

خذ حلالك..

شيلني كلي معاك..

ما أبي حلوي

وراضي بكل آهاتي وأباك..

لو تروح بعيد

خبرني

وخذ قلبي يباك..

علميه إنك تمري من هنا..

خبريه إنك ولو مره جلستي ها هنا..

لجل أطوف بكل مكان..

تايه بطول الزمان..

وعلميني كيف أنسى..؟؟

وأحرق أوراقي وأقسى..؟؟

مثلما تحرق مشاعر عالورق..

صدقيني قلب ناصر يحترق..

ما وجعك صراخي بفتات الحرق؟؟!!

ما لمحتيي قلبي اللي هناك

يشوى عالرماد..

هل ظننتي بعد حرق الروح يحييها الحداد..

هيا شلّي جثي وخلي الورق..

المشاعر لا تحرميها من حقوق العشق..

وعلميني أرجع لرشدي وسافر..

وأترك أحلامي التي هي فيلم نادر..

أو مسلسل عن حكايات الغرام..

ومات بالقصه المغامر..

هكذا يمكن سمحتي لقلب حبك أن يهاجر..

أرحل أرحل

والقساوه أسقطت حكم المشاعر..

 

؟؟؟

أنا ما جيت من يأس السنين أقول لك مشكور..
أنا جيتك على الموعد ولكن خان تفسيرك..

تأكد ما على حظي تريد تلف بي وتدور..
أنا بفقري وصلت أبعد تراه من حد تفكيرك..

 

رسمت أحلام والحب الذي في داخلي مهدور..

لأني ما قدرت أساير أحلامي لحد غيرك.. 

 

ووعدتك بالأمان وحظي العاثر كثير يبور.. 

يكررني على موعد غلاك ولا لفا طيرك..

 

كذا قلبك كسر كل السنين وعاث بي  بالجور..

وأنا كل الطموح أكبر بعينك وأصبح مجيرك..

 

توقف شوفني يا من خذيت اللي عليه أدور..

عساها تحننك نظره بعد ما ضاع تقديرك.. 

 

ويمرالعمر......... 

تعال نموت

خذني معك

تعال لي وخذني معك..
أسمع كلامك وأتبعك..

تعال يكفيك الغياب..
اللي بعنادك يمنعك..

طالع هنا كلك هنا
هذي العيون تطالعك..

تبكي دمع لك وأستمع..
وخذني معك خذني معك..

مريت والدنيا صباح..
أشم وردك وأفرعك..

لكن تعبت وجا الظلام..
وكل شي فقدته رابعك..

إستراحه

ليتك قبل ما يحين نومك تنادين..
قلبي الذي بالشوق مل إنتظاره..

من يوم ما صار الغلا قاب قوسين..
ضاع الوفاء اللي بنينا جداره..

رحتي وناديتك ولكن على مين..
صوتي حدوده غرفتي يا خساره..

مره يجي فالبال إنك تعودين..
ومره يويلي من غيابك وناره..

ضاقت سنيني بين ما تطلبه العين..
وما بين روحي لي تدور عـ ساره..

ولقيت لي بعد الصبر للمجانين..
ناتج يريح من يهمه إختياره..

الحب في هذا زمن ما هو بزين..
ما دام يرفع في الجسم هالحراره..

واللي يريد يحب يلجأ لحلين..
يا ينتحر أو يعترف بالخساره..

لكنني أتنفسك ضحكة سنين..
وأبكيك دمعن ما يلومه قراره..

ما أعيش من دون أذكرك لو بتنسين..
ناصر وجواله وليله ونهاره..

لأني وعدتك دين وتذكري زين..
الحب ما هو لعب فن وشطاره..

والحب ماهو شعور يبقى ليومين..
الحب ماحد جاب وصفه بعباره..

ويش فيني؟

الأشواق ما تسأل قبل ما تجيني..
وإلاّ بسوي لوك عالباب وأرتاح..

مره تضّيع أحلى نومه بعيني..
ومره لذيذ الزاد أتركه وأنزاح..

صعبه عليّه غيبتك صدقيني..
والقيد في يدك على رغبتك طاح..

من عاد لي وأنتي كذا بتتركيني..
من هو يعوض حضرتك قول يا صاح؟؟

غبتي وعطيتك عذر بعد بتجيني..
واليوم غيرك يحكمك والوصل راح..

بالله تعالي تتحسسي ويش فيني..
من دون أكتبلك سواليف وجراح..

تعالي

تعالي نكبر شويه..
تعالى نحرق الآهات..

تعالي نصفي النيه..
ونندب حظنا بسكات..

من أول لحظه عفويه..
إلى حلم بيدينا مات..

سكتنا بدون حنيه..
ولهيب أشواقنا بالذات..

ونكبر والغلا فيه..
يصيب القلب بالنوبات..

تعالي مابقت ليه..
رجاوي تشفع الغيبات..

أبي أسمعك حنينه..
وأبي أتنفسك سلوات..

جربها وإنساني

بدون حبك يضيق الكون يا عمري..
قوم وتخيل وجربها وإنساني..

وش إنت حسيت؟؟ قلي وراضي بأمري..
هل هو غيابي سهل يا كل خلاني؟!

هل صدق جربتها أو ما تبي تدري؟؟
طعم الغياب الخطير يجهز أكفاني..

يا روح روحي ويا قلبي ويا شعري..
من لي سواكم وطن يقبل بجثماني..

كل يوم صابر على حلوي وعلى مّري..
أستنشق رضاك وأزفر كل حرماني..

لو لان عودي بما مكتوب في قدري..
لسه قوي بالأمل والحب وجناني..

ما جاي أبرهن عشان أسوق لك عذري..
خذني بيدنك وطالعني وإقراني..

بتشوف دمي كتبلك حبنا العذري..
من دون تسأل بتحضني وتبكاني..

هذا غلاكم من أول يوم في عمري..
حاول تجرب تدورني وتلقاني..

كذا يريدون

يريدوني فقط أنسى

يريدوني بلا مرسى

وأنا كل يوم لعيونك

أحبك وأجهل القسوى

تعلمتك معاني الحب

وحفظتك والزمن شاهد

قبل لا تعرفين الذنب

وهذا اليوم وش باقي

من دموعي وأوراقي

سوى أتعلم وأسلى

على جدران أشواقي

يريدوني فقط أنسى

وفيك أحلامي يا سلوى

يريدوني فقط أنسى

عشان عيونك الحلوى..

تعبت أنسى تعبت أنسى 

درب التوازي

لك وطن آخر ولي لك شي ثاني..

والدروب اللي مشيناها توازي..

نتصل بأهداف وتطير الأماني..

والبقى لله ونقبل هالتعازي..

دمعنا عاجز وعاجز به لساني..

وأختبارك قال الإنجاز إجتيازي..

الله يرحمه ويدخله الجناني..

والدن جابك وخلاك إمتيازي..

كوني عون أهلك على مر الزماني..

وإستعيني بخالقك والله يجازي..

كل يوم أدعيلك وربي عطاني..

بالسعاده والنجاح والإحترازي..

لك

يا غرامي

لا لا لا

ملني صمت الثواني

والسكون فصولجاني

قوم حركني عشانك

أو تحملها عشاني

alyamamah

جاوبني

أبسألك ..رد.. عن ناصر وأيامه..
طاريه راحه؟ أو أنه ما إله طاري؟!

هذا السؤال الوحيد وظل بصيامه..
لا قلت وش صار لي ولا همك أخباري..

كذّبت نفسي عشان الصدق بك هامه..
وخبيت أسمك وظل الشوق لك ساري..

بعيونك أحلم أشوف الحب وأيامه..
لو كان دمع الفراق يهدد أبصاري..

يا ويح قلبن يراكم قمة إلهامه..
لو كان منه الوفا ما يشبع إعذاري..

ناصر المقبالي

طاري الشوق

يعجبني الليل دام الليل كله شوق..
ويعجبني الصبح أرسم لي أمل لرضاك..

واللي من الود خالي وما شكى به عوق..
شاف المسا وقت عادي ما يجيب إرباك..

وأنا المسا كل ما جاني تجف عروق..
ويصير نبضي يزيد وكل فكري وياك..

مدري من القاسي يا ساره وبحكمه يفوق؟!
وعقب الصبر شي ناداني وقلبي جاك..

واللي يحس بغلاك ويرتقيبه فوق..
يجمع تفاصيل عمره وما يبي فرقاك..

لكن حكمن ظلمني وما عطاني حقوق..
وصيته يطوف عنك بعيد ما ينصاك..

ما ريدك تشيل ما شاله لك المعشوق..
وتآخذ نصيب السعاده من حياتي فداك..

ياوردتن جابت العطر وأنا مخنوق..
حاولت أمسك نعومتها ومسكت أشواك..

وأنا على طاري الفرقا شعل بي الشوق..
وشلون أعيش الفراق وأتركك وأنساك؟!!

ناصر المقبالي

مدرار

صدقني ما حسيت غير بغلاتك..
يامن عليك الدمع ينهل مدرار..

مجنون بك من هيبتك من حلاتك..
وأعذاري لحبك صريحات وكثار..

تعال لملم كل شتاتي وشتاتك..
ما يستوي نكبر وأحلامنا صغار..

كل ما يفرقنا ظرف جا بلاتك..
أقول له يا ظرف يكفي الذي صار..

لكنني يا روح ناصر فداتك..
دامك هنا إسقيني الحب مدرار..

ناصر المقبالي

من تمتماتي

أحبك ما عشان إنك تحبيني..
ولكنه القدر ما علم المظلوم كيف يخون؟

ـــــــــــــــــــــــــــــــــ

يريدوننا أن يخف العذاب..
وقلبي بفرقا حبيبي يحبي..

فكان الوداع من أقوى الصعاب..
وكان النزيف لجرحي الأبي..

إعاده

كل الكلام اللي أقوله إعاده..
دامه رحل الإبداع من يوم قفيت..

صحيح أشواقي بغيابك زياده..
لكنني من زود مابي إستجنيت..

وأعدي الحاله بحزن ونكاده..
ويكفيني سكوتي على ما تمنيت..

إستفسار

تعال إن كان ما حنيت لي بستفسر إستفار..
متى آخر نصيب الشوق دفق ماي بعيونك؟؟!

عشان أقنعك وأقنعني بأن الحب مهما صار..
يظل وهالزمن يجري وماشي حب من دونك..

حفظك القلب مع نبضه ولا يحاتي ولا يحتار..
وحسادك يحـــــبوني وحسادي يحـــــبونك..

وظل القلب يرسم لك أماني فـ البدايه صغار..
وكبرنا وكبرت آمالي كثير وصرت مديونك..

فداك اللي نسى أهله وجا يحفظك بإستمرار..
مع إنه فاقد الحيله عدا من لطفك وعونك..

وقفت أمرر اللحظه بلا حزن وبلا إستشعار..
عشان أبرهن لنفسي قوي ياروح مجنونك..

أحبك شربي وزادي وروح العشق والأشعار..
ولا أتوب عن حبن ثملته في فضا كــــــونك..

لأنه حب ما تحفه ولا صـــــــــوره ولاتذكار..
عشان أركنه وأرجعله بلحظة ما يلومــــونك..

تصدقني وتكذبني وأنا من داخــــلي منهار..
ولكني فدا عيونك وأنا باقـــي فدا عيونك..

مجنووووووونك

من هنا

من هنا نادى الشعب قائدهم بصوت الحق

ومن هنا كانت السرعه في الإجابه

شكرا لك يا مولاي

رحيل طير من طيور الجنه

رحلت عني طيره من طيور الجنه مساء أمس

حيث كانت البروق تلمع في السماء معلنه بقدوم المطر

رحلت من رحم أمها إلى خالقها

لأنها رفضت الخروج لعالم خالي من قوانين العدل

رحمك الله يا طفلتي الراحله قبل أن ترين أبوك

من أكون؟

سأكون أنا

رغم الجنون

الأرض لا تعطي الأمان

الناس لا تهدي الحنان

وأنا مع بعضي البائس نهون

لكن دم أشراف هالأمه على 

بتطحنه السنون

مسافات الجرح

تعال أخنق البرد لين تبّرد أشواقي..
ما حس بالدفء بعدك من يدفيني..

غابوا الأهل والربع ما دمعت أحداقي..
وأنته غيابك بلا رحمه يبكـــيني..

من أصدق شعور ساكن داخل أعماقي..
أجيك طالب رضاك ولا تخـــليني..

أحسب مسافات وصلك طولها الباقي..
هذيك جرحي وخطوه صوبي تشفيني..

أمنتك الحب وإحساسـي وأراقـي..
وأوصيك إنك من الضيقه تسليني..

ما ريد تتعب شعورك يكفي فراقي..
من واحش الثاني قلي بينك وبيني؟!

عشانك

أريد أبقى طفل أحكي لأمي ما يأذيني..
تعبت وهالكبر يرفض أظل بحضنها أبكي..

طموح صغار وأشياءن كثيره بينها وبيني..
كبرتبها وأنا وحدي أقاومها ولا أشكي..

شجاع وما أظن بيه شجاعه اليوم تغنيني..
عن ظروف الزمان اللي تدس الحزن في علكي..

من المسئول عن حلمن هدمته بأول سنيني..
وذرفت الآه مع آخر مصيري وأنتهى ضحكي..

ناصر المقبالي

حلم البارحه

جاني إتصالك يا حياتي ورديت..
وحسيت بحكيلك سوايا غرامك..

سولفتني ثلاث كلمات واحيت..
وقطعت خطك دون أسمع كلامك..

وناديت أسمك عشر مرات ناديت..
وصحيت أنادي: ساره أنتي علامك؟؟

وفزعوا هلي حولي .. خجلت وتوايت..
خلف اللحاف وقالوا: كمل منامك..

....

جيتك وقلبي تشظى من مصابه..
يا طبيبي يا حبيبي وش تريد..

دواني وهالصدع فيني ولتهابه..
بلمسة كفوفك بيتشافى أكيد..

بابك المسكوك

صباحك حب يا روح الغرام اللي صعب ينسوك..
خذتني كامل أشواقي أحبك وأحتني لرضاك..

لأنك كلما تذكر جنوني ونبضنا مشبوك..
أجيك أسأل إذا كان إندماج أروحنا خلاك..

تعال القلب ما يصبر بلاك ويشتكي متروك..
وأنا ما عاد لي حيله أقنعه يحتمل فرقاك..

سنين تمر ما مره وعدته وقلت له مبروك..
براهينك بما إن وإذن ما وضحت مغزاك..

تسولف عن سهر عينك وقوة بابك المسكوك..
وأسولف بالشعور ولك فتحت الباب والشباك..

كفايه لمني في حضنك الدافي وقصر ملوك..
وخذ كل ما حواه العاشق المفلس من الأملاك..

لأنه كلما تصعد على عرش الغرور يبوك..
وإذا تستضعف تداري محبتهم خسرت وفاك..

بحري

وحشتيني
وبكيتك دمـ..
وتمنيتكـ
وزاد الهمـ..
أصارع هالزمن وياكـ..
وباكر ما رسم لقياكـ..
وعلى شفاتك
يضيع الحلمـ..
وجيتكـ
رغم ما عنيت
من وحشه
إلكـ حنيت
وتضمد جرح ما يلتمـ..
وفجأه مرن طيوفكـ..
بلحظه وكنت ما شوفكـ..
وسارح والدموع تزمـ..
أنا ما قلت
لك إني عشيقك يومـ..
ولا أهديت لك ورده عطرها يدومـ..
أنا بعيوني الثنتين
غطيتك ولا أندمـ..
وأنا ماجيت أهديك الأغاني
بس عشان أبكيكـ..
ولا نبضي قصيد
يلذذ العشاق به تستمـ..
أنا كلي فدا لرضاكـ..
شامخ لو أقول أهواكـ..
لأنك بحري وأحكيلكـ
سوايانا ولا تهتمـ..
وتلطم كل أمواجك فوجهي
تريدني أذهب
ولا أذهب هنا بـأاتمـ..
وسلم كل قضايا العشق
هاكـ
أنظر بها وأحكمـ..
وأنا باقي هنا
أبكييكـ
لو تبكي المدامع دمـ..

أخر موديل

أتركوني لحــد باكر يا كرام..
لي إجابات ودموع آخر موديل..

جيت أجمع ما تبقى من حطام..
وأركن بحزني برصيف المستحيل..

وشفت إني جيت مهزوم وبغام..
ولي رسمته كان من أضغاث ليل..

يا حلومي أخرسني مـ الكلام..
وأوعديني بك أظل عابر سبيل..

ما أبي من هالزمن غير السلام..
وماأبي غير الرضى بشيء قليل..

يا حظوظي جيت أعلن لاستلام..
قبل لا أصبح من أوضاعي قتيل..
ـــــــــــــــــــــــــــــــــــــــــــــــــــــــ

الحطام لو بدا حـــــالك ركام
ولو عرف هالدرب من دونك دليل

ولو يصير الجو مملوء بحمــام
ومافي غير القلب يفتحلي السبيل

ماعلى العابر قمات الســلام
ولا على المكسور أغصاني تميل

(ما ألومك) م الحب علمني الملام
الهوى يشرح معاناة الأصيــل

رمش المفارق

الشعر عرّى تفاصيل فــــــــحياتي.. أجمل أيام العمر وأحلى سنينــه.. كنت أصحى من مماتي ليـــ مماتي.. وما ينام الجفن بالنظرة الحـــــــــزينه... لا غفى رمش المفارق في سباتــي.. هاج خافق ينتظر رجعة سفينــــــــه.. الله يلعن بي ظنوني وأمنياتـــــــــــي.. والهواجس والأحاسيس الدفينـــــــــه.. لو يسوي أيش مايسوي بــ حياتي.. باقي عمري بالليالي له رهينــــــــــه.. فيه أفكر..أقضي وقتي تمتماتــــــــــي.. كني طفل(ن) ضايعن وسط المدينـــه.. كثر شوقي زاد حالي معضــــــــــلاتي.. وزاد بوحي يوم أشعر في حنينـــــــــــه.. ليت روحي إطير عندك يا غنـــــاتي.. كنت بحيا في أمان وفي سكينـــــــــه.. وننشد الحب المؤبد أغنيــــــــــــــــاتي.. أجمل أيام العمر وأحلى سنينــــــــــــه..

كلّما لاح الزمـــان لأمنياتي..
حرك الإحساس من غفلة حنينه..

كنت أدور عام تجمع لي شتاتي..
من بعد سفك المشاعر للثنينه..

والحلوم اللي بقت لي من حياتي..
شفتها في لحظة الموته الغبينه..

وكلما أشوفك فـ أربع جهاتي..
تنعكس لي قصة الفرقا اللعينه..

لا تحاتاني أنا اللي لك أحاتي..
خوفي الموجه تتوه هالسفينه..

ما أريد الشعر ماينصف غناتي..
الشعر درب الأحاسيس الأمينه..

وأمنياتك وأمنيـاتي وأمنيـاتي..
كــررت واقع تخلد بالرزينه..

ودام هذا حالنا هاتي وهاتي..
لا تخافي الشعر وأنوار المدينه..

الليالي بردها قارص وعاتي..
وأسرد أشواقي لطيفك وأستعينه..

وأقلب آخر بسمة تتسوّل شفاتي..
لللعيون اللي تناظرني حزينه..

عام جديد

عام جديد يجرجر أذياله 

ونودع عام من العمر

ليست هذي الرساله سوى تفاؤل بعام يحمل الحب

يا ترى هل  هناك جديد فيك يا عام 2011؟؟

أتمنى أن أراك مميزا

يا حلومي إقبلي مع كل عام..

وأحملي لي كل شيءٍ أحلمه..

لا تمري هكذا شوق وهيام..

ورجعي لي كل حق ومظلمه..

وللحبيب الشوق ينزف بإنتظام..

وإنسكاب الدمع زايد سلهمه..

كل واحد فكره يعيش بسلام..

أو فـ سوق المال تكثر أسهمه..

بس أنا لي مطلبي بين الإنام..

ليت مع كل عام أقدر أغنمه..

والشعور اللي حبس نطق الكلام..

يا عسى يعدي بخير وأعلمه..

والوفا ياللي نكنه فـ الظلام..

ربي يجعل ما يبين عالمه..

وياعساكم بالهنا في كل عام..

هكذا قلبي يسولف له دمه..