الطين

حبيبتي زوري مدائن غرامك..

وتحسسي ذا الطين باللطف واللين..

مايذبل اللي بجد يحوي كلامك..
ولا ينزوي قلبه إذا حب هالزين..

لكن طارت من يديني حمامك..
وحلقت أنا معها بليا جناحين..

ألين طحت وصرتي عالي مقامك..
وما يوصلك مثلي كسيرن ومسكين..

وأقولك برحل وأغرق بلامك..
وأقولك عادي وأنا الدمع كل حين..

مازال هذا النبض فيني سلامك..
ومازال هذا الشوق لك يـ أريش العين..

تعالي إذا يشبه هيامي هيامك..
تعالي ترى الحاجه إلك لا تروحين..

ودي على صوتي تهدي منامك..
ودي علي صوتك أغني التلاحين..

وشوفي أنا من دون نشوة غرامك..
عايش أقارن طين جمسي مع طين..

ناصر المقبالي

كفاية من الحب

يا آخر أشلائي كفايه من الحب..
ذبت وتعبت وصار دمعي غذائي..

أبغى أمر الموت ساجد إلى الرب..
وأبغى أصارع لحظتي في دعائي..

يا أوجع سنيني التي تعذب القلب..
هذي ثلاثين الحـــلوم وغبائي..

ملحت جرحي بدمع لك دوم يسكب..
وحفظت لك كــل العهود ولائي..

لو قلت لك بنســاك والله أكذب..
ولو قيدوني بالنظم لك بقــائي..

لي روح تسكن فيك وتذوب لك حب..
ولك روح لو تسمح تجي في فضائي..

خرجت من بحر الغلا والعشق درب..
أمشي بها وأنتي مـرادي وهنائي..

ناصر المقبالي

إنكسار

روحي حبي الذي تحبيه روحي..
وإحفظيني ذكرياتن في كتاب..

وإحذري بأسرار هالذكرى تبوحي..
وإحذري تكتبين أسباب الغياب..

لك طموح فراق واللمه طموحي..
وإختلفنا لين ضعينا الصواب..

من متى ينبت غلاك بوسط روحي؟؟
وش جنينا غير أشواق وعذاب؟!

وها أنا لك جيت متحمل جروحي..
ولا تلومي عاشقك بالحب ذاب..

جيت أأمنك المحبه ونبض روحي..
ياعسى ألقي علي بابك جواب..

تدري ليه بروحتك قلبي سموحي؟!
لأكتشاف الفرق في حب الأحباب..

ناصر المقبالي