عام جديد

عام جديد يجرجر أذياله 

ونودع عام من العمر

ليست هذي الرساله سوى تفاؤل بعام يحمل الحب

يا ترى هل  هناك جديد فيك يا عام 2011؟؟

أتمنى أن أراك مميزا

يا حلومي إقبلي مع كل عام..

وأحملي لي كل شيءٍ أحلمه..

لا تمري هكذا شوق وهيام..

ورجعي لي كل حق ومظلمه..

وللحبيب الشوق ينزف بإنتظام..

وإنسكاب الدمع زايد سلهمه..

كل واحد فكره يعيش بسلام..

أو فـ سوق المال تكثر أسهمه..

بس أنا لي مطلبي بين الإنام..

ليت مع كل عام أقدر أغنمه..

والشعور اللي حبس نطق الكلام..

يا عسى يعدي بخير وأعلمه..

والوفا ياللي نكنه فـ الظلام..

ربي يجعل ما يبين عالمه..

وياعساكم بالهنا في كل عام..

هكذا قلبي يسولف له دمه..

مثل من تأليفي

عندما تتعبك الحياة لا بد أن تكتب رساله للجميع

لا تعض حصاه وظرسك ملحوم 

وادي الحلتي 25/12/2010

نوع الحب

لا تفتكر حبي مثل موجة البحر..
مرات هائج ومره هادي ومسالم..

حبي لكم مقرون بالماي والبر..
لو جف ماء الكون بظل دائم..

رسائل جديده

كل ما يمر صبحه
سلمولي عليه

وخبروه بغرامي
وأنني له وأبيه..



ــــــــــــــــــــــــــــــــــــــــ









إتركوني حبيس الدمع والإنهيار..
دام نفسي تخاف البرد وأنته بعيد..



ـــــــــــــــــــــــــــــــــــــــــ


قولولهم إني هنا وساعدوني..
ما ريدهم يتحسسوا من غيابي..

رد

غنمت من دلة سموّك معانيك..
وبيّضت وجه القاف بأجمل عطاياك..

يا فارع بشعرك ورسمة قوافيك..
كلي فخر هاليوم أكسب ثناياك..

ماني بشاعر وأعزف التن والتيك..
لكن مجمل ما أكتبه يجي كذاك..

متفرد وفاتح شعوري شبابيك..
وأطل عالعالم بخوفي والأرباك..

وافي وصح لسانك وتسلم يديك..
ورضاك فرصة من تجرأ وجاراك..

 

ناصر المقبالي 

دم مغليك

عودت نفسي ما تبي غير طاريك..
وتضوعت جوعا لشوفة محياك..

من كثر ما أهواك غافي أناديك..
ذابت خلايا الحس فيني لـ لاماك..

ونقشت في جدران قلبي أساميك..
ولحنتها داخل خفوقي وغناك..

حتى حلاوة حبك بدم مغليك..
تفرض عـ غدة إنسولينه تعداك..

يا كبرك بعيني وأنا ميتن فيك..
ويا ويل روحن عافت الناس تفداك..

وإن هبت النكبه بعطرك وكاذيك..
تتكاثف أشواقي وتمطر لفرقاك..

النكبه هي رياح جنوبية شرقية عند أهل السلطنه والأمارات توفر الرطوبه في الصيف

وبذلك تكون جيدة لنشاط تكونات جبال الحجر

قسوة الحرمان

مثل ما تمر بك ذكرى بعد غيبه وتذكرني..
أنا تعودت أهذيبك وأسأل عنك الجدران..

من جنوني وغرامي بك صار الكل يعرفني..
وسموني أبو ساره وأنا لأسمك كذا نشوان..

فدا لطيوفك اللي هاااهي حولي ترافقني..
أقبل كله طفله تحمل أسمك والدمع هتان..

وإنظر في زمن إبن الملوح قبل يدركني..
بوطر الجاهليه وحب ذكره فوق كل لسان..

أنا ما قولها بجنون أو أوهام صدقني..
أنا متأكد بأسطورتي وحبي لحد الآن..

كشفت أشياءي لك والله ماشي كان جابرني..
ولكن قلت أكبر في عيونك ما أبي أنهان..

وناسك يحضروا حفل إنطلاقك وأنت ناكرني..
عشان أفهم مصيري المندثر مع غابر الأزمان..

أنا ما عاتبك لكن أسجــــــــل ما يؤرقني..
مع أنه رحلة الحلم الجميل بقبضة السجّان..

تعال وكل شيء باقي مثل ما أنت ترسمني..

وصدق فيني شعورك ونبض القلب والوجدان..

أنا ما قول مجنونك ولا شكي تكذبني..

ولكن صادق إحساسي صرخ من قسوة الحرمان..

ناصر المقبالي

صور الغروب من سد وادي الحلتي بصحار بتاريخ 24/11/2010

بلادي يوم عرفه بتارخ 15/11/2010

لها فقط

نص كلاسيكي

ليت البكاء ساعه وألم يوم..
ولا ظل طول العمر أبكيك..

حتى وأنا في لذة النوم..
لعيون تتهامل ع طاريك..

عذبتني والوصل معدوم..
وعزمت عالهجران وش فيك؟!

وغرقتني ولا أعرف العوم..
وخليتني بالحب أهذيك..

وأصبر على الآلام محروم..
كني قطز قبل المماليك..

ولك وقتي مفضل ومعلوم..
أسرح وأحلم ماسك يديك..

أتريد تترك عاشقك دوم..
وأريد أبقى لك وأغليك..

شمسي وفاء وأفعالي نجوم..
لو طالت الغيبه أحاتيك..

وسام ولد أخي

اليمامه

رجاوي

إتركوني للزمن أوجد مكاني..
ما أحب أسكن مكانن ما أطيقه..

وأتركوني مالكم دعوى بزماني..
دام أحزاني بغيبتـــكم لصيقه..

كنتوا لي طعم السعادة والحناني..
وأنتوا لي الحلم و محطات الحقيقه..

وأنتوا أجمل روح تجمعنا بتفاني..
إندمجنا والجفا واصل طريقه..

ناصر المقبالي 

صبح وعشّاق

صباح الخير يا نور الصباح وردة العشّاق..

فدا عيونك يجي شوق العيون ينبش أحداقي..

أحبك كل ما أملك وهذي حالة المشتاق..

وأحبك وأحسب الإيام وهذا الحب ميثاقي..

أجيك أبسط من الأول تعبنا هالجفا والفراق..

عشان أبقى بحضّنك والحنان يظل دفاقي..

عرفتك في مثل هذا الصباح وسجل الأشواق..

لأني معك ياروحي تجيني أصدق أشواقي..

أريد أرسل ولكن قصة الحرمان ما تنطاق..

عصتني وخنت بوعودي وأحسب بالوفا باقي..

عجاف الحب مرّن بي ونهرك فايض ودفاق..

ولا في صومعه هالوصل كسره تسد خفاقي..

كتبتك شعر ما قصدي أكدس حبر عالأوراق..

كتبتك شيء والأجود خفيته لك بأعماقي..

ناصر المقبالي

غيابك

ياللي غيابك يحرق القلب بالنار..
النار أرحم من جفاك وغيابك..


كل يوم أنا أنهار وأنهار وأنهار..
وأنتي بحدود الصمت تلوي ثيابك..

تدري عليك اليوم خايف ومحتار..
والكل يسألني وأقول له عذابك..

لازم أبوح الدمع ما يخفي أسرار..
لوني خفيته جا وبالشوق جابك..

لازم تجيبي حبي اليوم بإصرار..
أصرار حبي لك مع الوقت شابك..

لا تقتليني والوفاء فيني مدرار..
صبي علينا الحب تمطر سحابك..

الورد والتفاح

متى ما حننك هالورد والتفاح..
تعال بسلتك هالقلب مزرعتك..

هنا أترقبك ليت المحبه مزاح..
وهنا يمكن أجد فرصه لمعاملتك..

ثملتك هالعشق وتفرغت أقداح..
وضخيتك بدمي وحيل فضلتك..

وتسلقت بشموخك بس قلبي طاح..
على رجلك وناديت و توسلـتك..

عرفت إني أسير بنورك الوضاح..
وعرفت إن السعاده لو تسلمتك..

تعال وخذني هاللحظه معك يا صاح..
أبي أقنع لك العالـــم بمنزلتك..

وأبي أسكن معالم رمشك الذباح..
وأبي أحضى بدلال وعشق مملكتك..

أشوفك تحفر بجوفي ثلاث جراح..
ولادري أيهم أقرب لمصلحـتك..

ولكن لو بغيت الــورد والتفاح..
تعال القلب هذا تــراه مزرعتك..

رجعيلي الحب

رجعي لي الحب وهديني مواني..
وإشرقي بنورك على قلبي وعليك..

من جفيتيني على حساب الثواني..
كل نبض الحب متسمك يبيك..

شوفي لك آخر حلول ولا تعاني..
ولا تجيني بالعناد الله يهديك..

وأضحكي لو قلت بنساك بزماني..
وأرسمي وهم الفراق بناظريك..

المحبة عندنا هــي شكل ثاني..
وأنتي أدرى كم تبيني وكم أبيك..

ويوم جيت أتسلق شمخوك أناني..
طاح قلبي وطحت وياه أرتجيك..

رجعيلي الحب وبقيني مكاني..
يرحم الله والــــديني والــديك..

سحب من بلادي 2

سحب من بلادي

الرهينه2

من بلادي إيام فيت

صور بلادي

صور من بلادي

اليمامه

اليمامه جات تحمل لي رساله..
قبل ما ترسل لأحبابي بشيء..

قالت أصبر يا أبي في كل حاله..
قلت هذا الصبر يا بنتي قوي..

قالت المكتوب به خير وسهاله..
قلت يكفي إنك تكوني إلـي..

قالت إنته قوة عزوم وبساله..
عطني من عزمك ولا تحزن علي..

قلت ليتك تنطقيها بالوكاله..
قبل مايهذيبها جنوني هذي..

هذي ساره قالت اللي الحب قاله..
وإسمعيها يا غلا أمك شوي..

والذي مكتوب في مسك الرساله..
يتعب المشتاق ويزيده لظي..

لعيون اليمامه

اليمامة أرسلت لجلي رســــــــــاله
يوم أبوها ما عرف يكتبلي شـــــــــيّ

تختلف عنده تعابير الجزالـــــــــــه
يلفط الآلام ثلج ويكتب النيران مــــــــيّ

يآخذ المعنى الحقيقي يطلع بهمة وبسالــــه
مايبالي بالخفوق إن كان ميت ولا حــــيّ

شيء أكيد إنه المناصب له رجـــــــاله
وشيء أكيد إن الشعور أعياني عــــــيّ

كأنني المسجون من دون الكفالــــــــه
يحلم بتحرير وثيـــــاب وحُـــــــلي

مو مشكله..هالحب تحرقني رمـــــــاله
دام إني للرجال أبقى وفــــــــــــي

ياعسى يحميك وينوّر هلالــــــــــه
يزرعك بين النجوم، تصيري ضـــــــيّ

وتصبحي مهرة جميلة في ظلالــــــــه
ويفخر بأخلاق بنته دام حـــــــــــي

ماأبي تآكلك أفواه الحثــــــــــــاله
لنك الصورة العفيفة لأحلى فـــــــــيَ

وما أبي يجرحك شخصن بإعتـــــــلاله
وإسأليني لو بغيتي مني شـــــــــي

لا تخافي ساره ماتعرف رذالــــــــه
قلبها طيب شفـــــاف ونـــــــدي

واسمحيلي لا زادت أشــــواقي ثمــــاله
رغم عني صار قلبي ماهو لـــــــــيَ

وإلمسيلي عذر لأمك إن كان عذري مستوى لــه
وخبريها ما أبي غير الهــــــدوم إللي عليّ


عروس الظلام

أسئله عاشق

ما تسمعي زفرات شوقي تناديك؟؟
ماحن لي قلبك وحاول يجاوب؟!

ماقال لك ذاك الغلا تكلم أشفيك؟1
حتى الكسل ما زل بأسمي وتثاوب؟!

وشلون عاد أصبر كذا وما أحاتيك؟؟
وشلون أقوى عالبعد والمصايب؟؟

وشلون أبعد عنك والقلب يبغيك؟؟
ومن وين لي بعدك يجوني الحبايب؟؟

تخيلي لو مرة بس قلت ما بيك..
عيني سحايب دمعها لك سكايب..

وتخيلي لو مرة فكرتك أجافيك..
باكتب وصاتي والبقا للحبايب..

يعني بعد هذا تخلين مغليك؟؟
يا روح من حبك بليا سبايب؟؟

يعني تقوليها أبرحل وأخليك؟؟
يا كبرها في جوف يشعل لهايب..

لا لا تروحي بس لحظه أوصيك..
روفي بقلبي لا تصيبه كتايب..

ناصر المقبالي

خذها ثمان سنين وإعطيني ثمان أيام

ثمان سنين من عمري عشــــان الحب يفدونك
عسى أمرض ويقتلني هـــوى الخـــــلان

تموت الــروح زعلانة إذا مرة إختلف لونــك
وحرارة بقلبي تذبحني إذا عايش علي زعـــلان

يا ناصر كيف اتغير وأنا كلي فدى عيــــونك؟
أحاول ابعد وأنسى أعوض باقي الحرمــــان

أرفضهم كذا مرة لأني ضـــــــايع بدونك
وأحس إنك تعذبني وتعاقبني وانا الغلطــــان

لعبت بقلب يشكيلك واثق فيك ويصـــــونك
جرحت شعور خلاني أداوي الروح بالسّجــان

يا ناصر وشهو تعنيلك حياتي ظلمة من دونــك؟
وعلامك باقي في وصلك تهز الشوق ف الوجدان؟

لأني من ضحايا الحب لوّثها ثرى كونـــــك؟
لأن الضعف يحيابك وما تقدر على النسيــــان؟

لأنك تشعر بحسره ع قلب(ن) عاش مجنـــونك؟
لأنه إنكســـــر بيتك؟ وفقدت اللذه ف الأوزان؟

لأنك أيش يا ناصر؟؟عساه ف عوني وف عونك..
وعسى الأيام تفرحلك وتنسى سارة وإللي كــان

ترى أهون عليك تعيش والأيام يبكــــــونك
ولا تحيا لجل خـــــاطر تعود دوم ع الأحزان

عروس الظلام

هل الحب ذنب رجل؟؟

زحمة شوق

خلوه يأتي وبعدها بعلن أشواقي..
صعبه بدونه يكون الحب له سيرة..

تعبت أرسم شحوب الوجه بـ وراقي..
وتعبت ألقى بعد غيبتك لي ديره..

وسلمت أمري لما يهواه خفاقي..
دام المشاعر تباه وما تبا غيره..

من خمسة سنين لك طوفان بحداقي..
أبني أمل والأمل ميؤس من خيره..

أريد أجدد نشاطك داخل أعماقي..
خذني وجدد نشاطي بكل تصويره..

البارحه مر قرب عيوني ميثاقي..
وحسفت نفسي عليه وكمل مسيره..

من كثر هذي الرجاوي شفت أخلاقي..
تصغر وأنا كنت أراهن إنها كبيرة..

ما دام ترضى أعيش بزحمة أشواقي..
الله يسامحك مع قلبي وتحقيره..

الرهينة

ما خطر فالبال هالقسوة اللعينه..
تحرق القلب الذي يتبع خطاك..

من تبعك القلب وإنتي تكرهينه..
أي حب هذا الذي يطلب رضاك..

يا شواطي غرقت حتى السفينه..
جمليني أجـــلس بذلي معاك..

ما أبا من دون حبك أي مدينه..
وما أبا من دون وصلك أي حراك..

وزعيني حب أنتي تشعرينه..
واجمعيني في يدك كني ملاك..

وشوفي كيف إنسان بيدك تملكينه..
كل نبضه لك ويسكن في حماك..

أي قسوة تحدك لدرب الضغينه..
وأي عناد اللي تخلينه عراك..

جاوبيني قبل لا تقتلي الرهينه..
كم فدا قلبي الذي بقضة يداك؟؟

مستحيل أرحل ولك ما تفعلينه..
قلب حبك ما يخونك مع سواك..

حالة شوق

إستعمري في روحي وحبيني..
وإقري ملامح حبك وضميني..

وإستشعرى هذا الحنان العارم
ولميني بيدينك كذا ولميني..

ما يهدأ الشوق الذي يعانلك
غير بوجود عيونك فـ عينيني..

وإذا سألك الشوق هذا عني..
قوليله إني بدمك تمشيني..

أصعب خيارين

بسامحك ما دام هالعمر فاني..
وأتعلم بصمتي طبع طيب وزين..


وأعطيك كل اللي سكن في كياني..
وأخبرك آخر شقاء المحبين..


والمشكله بيني وحبي وزماني..
تكبر بذاتي وما أحب الخيارين..


خيار إني ودّعـك ما أناني..
وآخر إذا صرتي لغيري بتخونين..


يا كل تصريفي وعقلي وشاني..
إلى متى بهذا الوفاء تستخفين؟!


وياكل تفكيري وشوقي وحناني..
لك وحشه ودمعة وقسوة معادين..


جيتك وأنا فاقد جميع الأماني..
من أربع وعشرين صرنا ثلاثين..


مريتها أجمعك شعر وأغاني..
وعديتها أحلم بك إنك تروفين..


واليوم لي طفلٍ ينادي يباني..
والقلب نادلك إذا أنتي سمعتين..


أودعك صعبة تكوني لثاني..
لأنك بدمي وفرحتي وقرة العين..


ناصر المقبالي

هدوء

كل يوم يكبر غلاك وحبك إيسيطر..
وأصبح أطالبك لا تكثر بهجرانك..

عرفت بك دنيتي وعرفت بك أفخر..
ونسيت كل من يوصيني بنسيانك..

جيت أسأل الشعر رد وقال إيه أذكر..
وجيت أسأل القلب قال يعيش بجنانك..

يعني نحبك أنا والشعر هيه أكثر..
وإشتاقلك وأبذل جهودي على شانك..

ناصر المقبالي