إنكسار

روحي حبي الذي تحبيه روحي..
وإحفظيني ذكرياتن في كتاب..

وإحذري بأسرار هالذكرى تبوحي..
وإحذري تكتبين أسباب الغياب..

لك طموح فراق واللمه طموحي..
وإختلفنا لين ضعينا الصواب..

من متى ينبت غلاك بوسط روحي؟؟
وش جنينا غير أشواق وعذاب؟!

وها أنا لك جيت متحمل جروحي..
ولا تلومي عاشقك بالحب ذاب..

جيت أأمنك المحبه ونبض روحي..
ياعسى ألقي علي بابك جواب..

تدري ليه بروحتك قلبي سموحي؟!
لأكتشاف الفرق في حب الأحباب..

ناصر المقبالي