زحمة شوق

خلوه يأتي وبعدها بعلن أشواقي..
صعبه بدونه يكون الحب له سيرة..

تعبت أرسم شحوب الوجه بـ وراقي..
وتعبت ألقى بعد غيبتك لي ديره..

وسلمت أمري لما يهواه خفاقي..
دام المشاعر تباه وما تبا غيره..

من خمسة سنين لك طوفان بحداقي..
أبني أمل والأمل ميؤس من خيره..

أريد أجدد نشاطك داخل أعماقي..
خذني وجدد نشاطي بكل تصويره..

البارحه مر قرب عيوني ميثاقي..
وحسفت نفسي عليه وكمل مسيره..

من كثر هذي الرجاوي شفت أخلاقي..
تصغر وأنا كنت أراهن إنها كبيرة..

ما دام ترضى أعيش بزحمة أشواقي..
الله يسامحك مع قلبي وتحقيره..