دم مغليك

عودت نفسي ما تبي غير طاريك..
وتضوعت جوعا لشوفة محياك..

من كثر ما أهواك غافي أناديك..
ذابت خلايا الحس فيني لـ لاماك..

ونقشت في جدران قلبي أساميك..
ولحنتها داخل خفوقي وغناك..

حتى حلاوة حبك بدم مغليك..
تفرض عـ غدة إنسولينه تعداك..

يا كبرك بعيني وأنا ميتن فيك..
ويا ويل روحن عافت الناس تفداك..

وإن هبت النكبه بعطرك وكاذيك..
تتكاثف أشواقي وتمطر لفرقاك..

النكبه هي رياح جنوبية شرقية عند أهل السلطنه والأمارات توفر الرطوبه في الصيف

وبذلك تكون جيدة لنشاط تكونات جبال الحجر