أخر موديل

أتركوني لحــد باكر يا كرام..
لي إجابات ودموع آخر موديل..

جيت أجمع ما تبقى من حطام..
وأركن بحزني برصيف المستحيل..

وشفت إني جيت مهزوم وبغام..
ولي رسمته كان من أضغاث ليل..

يا حلومي أخرسني مـ الكلام..
وأوعديني بك أظل عابر سبيل..

ما أبي من هالزمن غير السلام..
وماأبي غير الرضى بشيء قليل..

يا حظوظي جيت أعلن لاستلام..
قبل لا أصبح من أوضاعي قتيل..
ـــــــــــــــــــــــــــــــــــــــــــــــــــــــ

الحطام لو بدا حـــــالك ركام
ولو عرف هالدرب من دونك دليل

ولو يصير الجو مملوء بحمــام
ومافي غير القلب يفتحلي السبيل

ماعلى العابر قمات الســلام
ولا على المكسور أغصاني تميل

(ما ألومك) م الحب علمني الملام
الهوى يشرح معاناة الأصيــل